पूर्वप्रधानमन्त्री आबेको सुरक्षामा कमजोरी भएको स्वीकार गर्दै प्रहरी प्रमुखद्वारा राजीनामा

एजेन्सी । जापानका पूर्वप्रधानमन्त्री शिन्जो आबेको गत महिना भएको हत्याको जिम्मेवारी लिन जापानको प्रहरी निकायका प्रमुखले बिहीबार राजीनामा दिने भएको छ ।

जापानको प्रहरी (एनपीए) का आयुक्त जनरल इटारु नाकामुराले चुनावी अभियानका क्रममा सडकमा भाषण दिने क्रममा आबेको गोली लागेर मृत्यु भएको समयमा सुरक्षाको समीक्षा सार्वजनिक गरेपछि यस्तो घोषणा गरेका हुन् ।

नाकामुराले पत्रकार सम्मेलनमा भने, ‘एनपीएले यस्तो घटना दोहोरिन नदिन नयाँ प्रणालीअन्तर्गत नयाँ सुरक्षा आवश्यकतामा आधारित उपायहरू निरन्तर कार्यान्वयन गर्न आवश्यक छ भन्ने विश्वास गरेको छ । आज मैले राष्ट्रिय जनसुरक्षा आयोगलाई आफ्नो राजीनामा दिने मनसाय बारे अवगत गराएको छु ।’

उनले भने, ‘मेरो राजीनामा शुक्रबारको मन्त्रीपरिषद् बैठकमा स्वीकृत हुने सम्भावना छ ।’ आबेको हत्यापछि गरिएको समीक्षाको नतिजाले पूर्व नेतालाई सुरक्षा दिन प्रहरी असफल भएको देखाएको छ ।

यसले सुरक्षा योजनामा गम्भीर त्रुटिहरू, घटनास्थलमा अपर्याप्त तैनादी र सञ्चार, र बन्दुकधारीलाई आबेको नजिक पुगेको जानकारी प्राप्त गर्न असफल भएको विस्तृत विवरण दिएको छ ।

आबेले जुलाई ८ मा जापानको माथिल्लो सदनको चुनावअघि पश्चिमी शहर नारामा सम्बोधन गर्नुभएको र सम्बोधनकै क्रममा उनीमाथि एक बन्दुकधारीले गोली हानी घाइते बताएका थिए । उनको उपचारका क्रममा पछि मृत्यु भएको थियो ।

गोली चलेको समयमा टोकियो मेट्रोपोलिटन पुलिस फोर्सका एक प्रहरी र केही स्थानीय प्रहरी अधिकारीहरू आबेको नजिक थिए ।

यहाँ धेरै सुरक्षा विशेषज्ञहरूले यदि उनको सुरक्षा विवरणले आक्रमणकारीलाई दबाउन एकसाथ काम गरेको भए आक्रमण रोक्न सकिन्थ्यो वा कम्तिमा आबेलाई गम्भीर घाइते हुनबाट रोक्न सकिन्थ्यो भन्ने धारणा राखेका छन् ।

एनपीएका अनुसार, गोली काण्डको समयमा सुरक्षा उपायमा सबैभन्दा ठूलो त्रुटिमध्ये एक नाराको एक पुलिस अधिकारी आबेको भाषणको क्रममा आफ्नो स्थिति परिवर्तन गरेका थिए । उनी आबेको पिठ्यूँ ढाक्ने क्रममा गार्डरेलको सानो क्षेत्र बाहिरबाट रेलभित्र गए, जहाँ प्रहरीले भीडतिर आफ्नो पिठ्यूँ फर्काए ।

स्थानीय प्रहरी अधिकारीले आफ्नो टोलीका नेता वा अन्य अधिकारीलाई आफ्नो गतिविधिबारे जानकारी नदिएको एनपीएले जनाएको छ । बिहीबार नारा प्रहरी प्रमुख तोमोआकी ओनिजुकाले पनि राजीनामा दिने घोषणा गरेका थिए ।

प्रतिक्रिया दिनुहोस

सम्बन्धित समाचार

नेपाल प्रहरी

आईजिपी सिंहबाट बडा दसैं मौलो पूजा सम्पन्न

आईजिपी सिंहबाट बडा दसैं मौलो पूजा सम्पन्न

काठमाडौं । प्रहरी महानिरीक्षक ( आईजिपी ) धिरज प्रताप सिंहले बडा दसैंका अवसरमा मंगलबार प्रहरी प्रधान कार्यालय सशस्त्र प्रहरी गण नम्बर १ नक्सालस्थित मौलोमा पूजाअर्चना..