काठमाडौं । वरिष्ठ लोक देउडा गायक हरिचन्द्र कडायतको निधन भएको छ । बझाङको छबिसपाथिभेरा गाउँपालिका-२ मुम्ला घर भएका ५५ वर्षीय कडायतको सेती प्रादेशिक अस्पतालमा बुधबार निधन भएको हो ।
अचेत अवस्थामै धनगढी स्थित नवजीवन अस्पताल पुर्याइएका उनको स्वास्थ्य अवस्थामा सुधार हुन नसके पछि सेती प्रादेशिक अस्पतालमा भर्ना गरेर उपचार भई रहेको थियो । उनको मस्तिष्क घातका कारण मृत्यु भएको सेती प्रादेशिक अस्पतालले जनाएको छ।
कडायत २०४९ सालदेखि देउडा गायन क्षेत्रमा सक्रिय रहेका थिए । लोक देउडा गायक कडायत ले ‘कर्णालीका भेल’‘बझाङी काल्या’ ‘ल बिणी खान्या की’लगायत विभिन्न चर्चित गीतमा गाएका थिए ।
