काठमाडौं। चौथो वर्षदेखि नै प्रत्येक वर्ष बीमा रकम फिर्ता दिने गरी आइएमई लाइफ इन्स्योरेन्सको बालकिरण जीवन बीमा ल्याएको छ। पछिल्लो समयमा उल्लेख्य संख्यामा बिक्री हुने बीमालेख यही भएको कम्पनीले जनाएको छ।
बच्चा जन्मिएलगत्तै लिन सकिने यो बीमा योजनामा बालबालिका तथा अभिभावक दुवैको पूर्ण अवधिकालाई अधिकतम जोखिम रक्षावरणसहित चौथो वर्षदेखि नै प्रत्येक वर्ष बीमा रकम फिर्ता हुँदै जाने बताइएको छ। प्रत्येक वर्ष फिर्ता हुने रकमले अभिभावकहरुलाई बच्चाको विद्यालय भर्ना तथा अध्ययन खर्चमा सहयोगी हुने कम्पनीका प्रमुख कार्यकारी अधिकृत कवि फुयाँलले बताए।
खासगरी अभिभावक तथा नवअभिभावकहरुको लागि अत्यन्त उपयुक्त तथा सहज यस बीमा योजनामा आफ्नो आवश्यकता अनुसारको बीमा अवधि छान्न, दुर्घटना तथा बिरामीको थप जोखिम वहन हुने तथा एउटै बीमामा दोहोरो जीवनको बीमा हुने उनले जानकारी दिए।
