बिराटनगर । नेपाल सरकार गृहमन्त्रालयको मिति २०७८/१२/३० गतेको पत्रले प्रहरी बरिष्ठ उपरीक्षक पदबाट प्रहरी नायव महानिरीक्षक पदमा बढुवा हुनु भई दर्ज्यानी चिन्ह सुशोभन कार्यक्रममा सरिक हुन जान लाग्नु भएका प्रहरी नायव महानिरीक्षक राजेन्द्र प्रसाद चौधरीलाई १ नम्वर प्रदेश प्रहरी कार्यालयका प्रमुख प्रहरी नायव महानिरीक्षक अरुण कुमार बि.सी.को प्रमुख आतिथ्यतामा बिदाई तथा फेरी भेटौला कार्यक्रम सम्पन्न भएको छ ।
कार्यक्रममा पदोन्नति तथा बिदाई भई जान लाग्नु भएका प्रहरी नायव महानिरीक्षक राजेन्द्र प्रसाद चौधरीलाई प्रदेश प्रहरी प्रमुख अरुण कुमार बि.सी.ले बधाई तथा शुभकामना दिनु हुदै मायाको चिनो प्रदान गर्नु भएको थियो ।
कार्यक्रममा सिनियर प्रहरी अधिकृत, जुनियर प्रहरी अधिकृत तथा प्रहरी कर्मचारीहरुको उपस्थिति रहेको थियो ।
