वीरगञ्ज । स्थानीय तहको निर्वाचनका लागि नेकपा एमाले जीतपुरसिमरा उपमहानगर कमिटीले उम्मेद्वारका बनाउन नगर प्रमुखमा १० जना र उपप्रमुखमा ५ जनाको नाम सिफारिस गरेको छ ।
नगर कमिमिटि अध्यक्ष भोला अधिकारीले जिल्ला अध्यक्ष विनोद साहमार्फत जिल्ला कमिटीमा सोमबार नाम सिफारिस गरेका हुन् ।केन्द्रले एक पदमा एक महिलासहित ३ जनाको नाम सिफारिस गर्न निर्देशन दिए पनि सहमति नजुटेपछि आकांक्षी सबैको नाम सिफारिस गरिएको हो ।
गर प्रमुखमा मनोज पौडेल, उपप्रमुख सरस्वती देवी चौधरी, एमाले नेताहरु कासिम हुसेन, नारायण क्षेत्री, भरत घले, अनिल मैनाली, महादेव चौधरी, प्रल्हाद साह, राधेश्याम सिवाकोटी, विश्वनाथ लामिछानेको नाम सिफारिस गरिएको हो ।
उपप्रमुखमा नगर कमिटी अध्यक्ष भोला अधिकारी, जिल्ला सदस्य रेनु रिमाल, नेताहरु अशोक लामा, कमला घिमिरे, सरिता चौधरीको नाम सिफारिस गरिएको छ ।नगरप्रमुख र उपप्रमुखमा उम्मेदवार हुन इच्छुक सबै साथीहरुको नाम सिफारिस गरिएको अध्यक्ष अधिकारीले जानकारी दिए ।
‘उम्मेदवार हुन इच्छुक साथीहरुको नाम आयो, भावना बुझ्ने प्रयास गर्यौं । सबैले आफ्नो दावेदारी कायम राख्नुभयो’, उनले भने, ‘सहमति हुन नसकेपछि सबैको नाम जिल्ला कमिटीमा सिफारिस गरिदिएका छौं ।’
