विराटनगर । १३ किलो चाँदीका गहना लुट्ने चार जनालाई आइतबार मोरङ प्रहरीले पक्राउ गरेको छ । पक्राउ पर्नेमा झापा दमक ३ का २४ वर्षीय सविन विक, सुनसरी इटहरी ५ का वादल विक, उदयपुर रौतामाई नगरपालिका–६ का वर्षीय विशाल विक र महोत्तरी वर्दिवास–१ का ३४ वर्षीय मनोज ठाकुर हुन् ।
उनीहरुलाई मोरङ अदालतमा उपस्थित गराई ६ दिनको म्याद थपेर प्रहरीले अनुसन्धान सुरु गरेको जनाएको छ । उनीहरुले ८ चैतको राति करिब ८ बजे झापाको दमक–१ स्थित पाथीभरा ज्वेलर्स एण्ड सप्लायर्सका कर्मचारी ओम कालिकोटेले बोकेको चाँदीको गरगहना लुटेको प्रहरीले जनाएको छ ।
प्रहरीका अनुसार कालिकोटे पूर्वबाट पश्चिमतर्फ आइरहेको बेला मोरङको बेलबारी नगरपालिका–४, बेतनास्थित सडक खण्डमा गरगहना लुटी उनीहरु फरार भएका थिए ।
