काठमाडौं । नेकपा एमालेले स्थानीय तहको निर्वाचनमा महानगरपालिकाको र उपमहानगर पालिकाका मेयर उपमेयरका लागि उम्मेदवारको टिकट केन्द्रबाटै वितरण गर्ने गरी मापदण्ड तय गरेको छ । एमालेले ३० वैशाखमा हुने स्थानीय तह निर्वाचनमा उम्मेदवार छनोटको जिम्मेवारी तोकेको छ ।
एमालेको केन्द्रीय सचिवालयको बैठकले उम्मदेवार सिफारिसको मापदण्ड पारित गर्दै महानगरपालिका, उपमहानगरपालिकाको उम्मेदवारको टिकट केन्द्रबाट वितरण गर्ने मापदण्ड तयार गरेको हो ।
प्रचार विभागका प्रमुख पृथ्वी सुब्बा गुरुङका अनुसार वडाअध्यक्ष र वडासदस्यको उम्मेदवार जिल्ला कमिटीले टुंगो लगाउनेछ । गाउँपालिकाका अध्यक्ष र उपाध्यक्ष तथा नगरपालिकाका मेयर र उपमेयरको उम्मेदवार जिल्ला कमिटीको सिफारिसमा प्रदेश कमिटीले निर्णय गर्नेछ ।
त्यस्तै महानगरपालिका र उपमहानगरपालिकाका मेयर र उपमेयरको उम्मेदवार भने भने जिल्ला र प्रदेश कमिटीले सिफारिस गर्ने र केन्द्रीय कमिटीले निर्णय गर्ने उपमहासचिव गुरुङले बताए ।उम्मेदवार छनोटको मापदण्ड भने केन्द्रीय कमिटीको ९ र १० चैतमा बस्ने बैठकलेतय गर्ने उनले जानकारी दिए ।सिफारिस गर्दा के के मापदण्डका आधारमा गर्ने भन्ने चाहिँ चैत ७ गते बस्ने पोलिटव्यूरो र त्यसलगत्तै ९ र १० बस्ने केन्द्रीय कमिटी बैठकले टुंगो लगाउने भएको छ ।
त्यस्तै चैत १३ गते स्थायी कमिटी बैठक पनि बोलाएको छ । चुनावी घोषणा पत्रका लागि बुद्धिजीवी संगठनको आयोजनामा हुने कार्यक्रममा नीति तथा प्रतिष्ठान विभागले मस्यौदाका विषयमा केन्द्रीत रहेर छलफल गर्ने भएको छ । त्यसलाई केन्द्रीय कमिटिले पारित गरेपछि त्यो सार्वजनिक गरिनेछ ।
