काठमाडौं । नाबालिग गायिकामाथि जबर्जस्तिकरणी गरेको अभियोगमा पक्राउ परेका अभिनेता पल शाहलाई थप १२ दिन थुनामा राखिने भएको छ ।
आज जिल्ला अदालत तनहुँले अभिनेता शाहलाई थप १२ दिन थुनामा राख्न अनुमति दिएको हो ।यसअघि अभिनेता शाहलाई ७ दिन थुनामा राखेर प्रहरीले अनुसन्धान गरेको थियो । तर, हप्ता दिनमा प्रहरीले अनुसन्धानलाई पूर्णता दिन नसकेपछि थप अनुसन्धानका लागि समय मागेको थियो ।
थप समयका अभिनेता शाहलाई जिल्ला अदालत लगिएको थियो । अदालत थप समय दिएसँगै भोलिदेखि अदालतमा उनको बयान सुरु हुने बताइएको छ ।गत फागुन १५ गते अभिनेता शाहले आफै तनहुँ प्रहरीमा आत्मसमर्पण गरेका थिए ।
