काठमाडौँ । सोमबार नयाँ बानेश्वरस्थित संसद् भवन अगाडी शङ्कास्पद बस्तु राखेर मानिसलाई आतङ्कित बनाएको अभियोगमा प्रहरीले एक जनालाई नियन्त्रणमा लिएको छ।
महानगरीय अपराध महाशाखाको टोलीले काभ्रे भुम्लो गाउँपालिका वडा नम्बर २ सिमथली घर भएका २१ वर्षीय सुवास महतलाई नियन्त्रणमा लिएको हो।अनुसन्धानको क्रममा उनी अनेरास्वबियु क्रान्तिकारीका पशुपति बहुमुखी क्याम्पस कमिटी अध्यक्ष भएको खुलेको छ।
प्रहरीले घटना प्रयोग भएको बा.प्र. ०२-०३०-प. ७०८५ नम्बरको मोटरसाइकल समेत बरामद गरेको छ।
घटनाको थप अनुसन्धान भइरहेको प्रहरीले जानकारी दिएको छ।
