काठमाडौं । काठमाडौंको नयाँ बजारबाट नक्कली नेपाली नोटसहित प्रहरीले ४ जनालाई पक्राउ गरेको छ । १ हजार दरका दुई लाख चौरानब्बे हजार रुपैयाँ नक्क्ली नोटसहित महानगरीय प्रहरी अपराध महाशाखाको टोलीले पक्राउ गरेको हो ।
पक्राउ पर्नेमा रौतहट घर भइ नयाँ बजार बस्ने पृथ्वी प्रसाद साह, मोहम्मद मुसरफ अली, असरफ अली सहिद र महमद शम्साद आलम रहेका छन् । नयाँ बजारस्थित मेडिकल चोक एरियामा केही ब्यक्तिहरुले नेपाली नक्कली नोटको अबैध कारोबार गरिरहेको गोप्य सूचनाको आधारमा प्रहरी खटिएको थियो ।
यसबारे अनुसन्धान भइरहेको महाशाखाका सूचना अधिकारी कृष्ण प्रसाद कोइरालाले जानकारी दिए ।
