वीरगंज । सशस्त्र प्रहरी बल पर्साले बसमा लुकाई पिछाई लैजादै गरेको लाखौं मुल्य बराबरको अबैध कपडा र पेय पदार्थ बरामद गरेको छ । सशस्त्र प्रहरीको टोलीले बिहीबार एक बसमा लुकाई छिपाई राखिएको झण्डै ६ लाख मुल्य बराबरको कपडा र पेय पदार्थ बरामद गरेको हो ।
वीरगंजबाट बाहिर जान वीरगंजको बसपार्कस्थित रहेको प्रदेश नं. ३–०३–००१ ख ०११८ नम्बरको बसलाई चेकजाँच गर्दा बसको पछाडीको दुबै टायरमाथि साईडमा र यात्रु चढ्ने दायाँपट्टी फस्ल बटम बनाई लुकाई छिपाई अबैध तरिकाले चोरी निकासी गरि राखिएको कपडा र पेय पदार्थ रेडबुल बरामद भएको थियो ।
विशेष सूचनाको आधारमा उक्त बस खोज तलास गर्दा ५ लाख ८५ हजार ४ सय ६० रुपैया मूल्य बराबरको सटिङ्ग सुटिङ्गको कपडा र पेय पदार्थ रेडबुल बेवारिसे अवस्थामा बरामद भएको सशस्त्र प्रहरी बल पर्साले जनाएको छ ।
अबैध कपडा र पेय पदर्थसहित बसलाई पनि नियन्त्रणमा लिईएको छ । बसको अन्दाजी मूल्य साढे ११ लाख रहेके भन्सारले जनाएको छ ।
