काठमाडौं । विभिन्न विद्यार्थी संगठनहरुले काठमाडौं मेडिकल कलेज (केएमसी) र विराटनगरको नोबेल मेडिकल कलेजलाई ठगी मुद्दामा कारबाही गर्न माग गर्दै काठमाडौं प्रशासन कार्यालयमा मागपत्र बुझाएका छन् ।
नेपाल विद्यार्थी संघ, अखिल क्रान्तिकारी, अनेरास्ववियूलगायत विभिन्न ८ विद्यार्थी संगठनहरुले नियम विपरित अतिरिक्त शूल्क लिएका दुई कलेजलाई ठगी मुद्धामा कारवाही अघि बढाउन मागपत्र बुझाएका हुन् ।
केएमसी र नोबेलले विद्यार्थीहरुले चिकित्सा शिक्षा आयोगले तोकेबमोजिमको शुल्क बुझाउँदा पनि एमबीबीएस, बीडीएस र बीएनएसका सन् २०२१ ब्याचका विद्यार्थीलाई कक्षा प्रवेशमा रोक लगाएको, गैरकानूनी र गुण्डागर्दी शैलीमा बिभिन्न बहानामा अतिरिक्त शुल्क तिर्न बाध्य बनाएको र नियम विपरित छात्रावासलाई अनिवार्य बनाइएको उनीहरुको आरोप छ ।
मेडिकल कलेजले चर्को मुल्य असुल गरिरहेको भन्दै विद्यार्थी संगठनहरु आन्दोलित छन् ।
