वीरगंज। यातायात व्यवस्था कार्यालय लाइसेन्स शाखा वीरगंजले एक साताको लागि सेवा बन्द गरेको छ। केही कर्मचारीमा कोरोना भाइरसको नयाँ भेरियन्ट ओमिक्रोनसँग मिल्दोजुल्दो लक्षण देखिएपछि शाखाले सेवा बन्द गरेको हो।
बिहीवार सूचना जारी गर्दै माघ ७ गतेदेखि १४ गतेसम्मको लागि लाइसेन्स नविकरण, प्रतिलिपि, कार्ड वितरण र कार्यालयको आन्तरिक काम वाहेकका सम्पूर्ण सेवा बन्द गरिएको जानकारी गराएको छ।
कार्यालय प्रमुख सुशील साहले कोरोना भाइरसको संक्रमण दर पनि बढिरहेको अवस्थालाई मध्यनजर गर्दै सेवा बन्द गरिएको र सो अवधिमा लाइसेन्सको लिखित एवं ट्राइलसँगै अन्य काम पनि बन्द गरिएको बताए।
