काठमाडौं । प्रधानसेनापति प्रभुराम शर्मा स्वास्थ्य परीक्षणका लागि भारत जाने भएका छन् । जंगी अड्डाले शुक्रबार एक विज्ञप्ति जारी गर्दै स्वास्थ्य परीक्षणका लागि भारत जान लागेको जानकारी दिएको हो ।
जसका लागि सरकारले प्रधानसेनापति शर्माको पुस १८ गतेबाट ३० गतेसम्म बिदा स्वीकृतसमेत गरेको उक्त विज्ञप्तिमा उल्लेख छ ।
उनको अनुपस्थितिमा बलाधिकृत रथी बालकृष्ण कार्कीले कामु प्रधान सेनापतिको कार्यभार सम्हाल्ने नेपाली सेनाले जनाएको छ ।
