बलिउड अभिनेत्री जसको एमएमएसले बर्बाद पार्‍यो करियर !

काठमाडौं । विभिन्न विवादमा फसेपछि बलिउड उद्योगका कयौं स्टारहरुको करियर गुमनाम बनेको छ । विवादमा फसेपछि गुमनाम हुनेमध्ये अभिनेत्री अलिशा खान पनि एक हुन् । आज उनै विवादपछि गुमनाम बन्न पुगेकी अभिनेत्री अलिशा खानबारे केही तथ्यहरु प्रस्तुत गर्दैछौं ।

अभिनेता इमरान हाश्मीसँग काम गरिसकेकी अलिशा खानको करियर राम्रो चलिरहेको समयमा उनी विवादमा फसेकी थिइन्, जसको कारण उनी गुमनाम हुन पुगिन् । अहिले उनी सामान्य जीवन विताइरहेकी छन् ।

मोडलिङबाट सरु गरेकी थिइन् फिल्मी करियर

अलिशा खान गाजियाबादकी बासिन्दा हुन् । मोडलिङमा करियर बनाइसकेपछि मात्र अलिशा खानले फिल्मी उद्योगमा प्रवेश गरेकी थिइन् । १२ वटा सुपरहिट म्युजिक भिडियो दिएपछि बलिउडमा एलिशाको धमाकेदार एन्ट्री भयो । तर, बलिउडमा अलिशा खानको करियर उनले सोचे जस्तो विन्दूमा भने पुग्न सकेन ।

‘माई हस्ब्यान्डस् वाइफ’बाट बलिउडमा डेब्यू

अलिशा खानले सन् २०१० मा ‘माइ हस्ब्यान्डस् वाइफ’ बाट बलिउडमा डेब्यू गरेकी थिइन् । पहिलो फिल्म फ्लप भएको सात वर्षपछि अर्थात् २०१७ मा अलिशा रविना टण्डनसँग फिल्म ‘मात्रा’ देखिइन् ।

इमरान हाश्मीसँग गरिन् ‘आइना’ फिल्म

अलिशाले इमरान हाश्मीसँग फिल्म ‘आइना’ मा काम गरेकी थिइन । त्यतिबेला उक्त फिल्म रिलिज हुन सकेन । तर, अलिशा र इमरान हाशमीको अफेयरको खबरले बलिउड ततायो ।

ब्वाईफ्रेण्डले लिक गरे एमएमएस

अभिनेत्री अलिशाको फिल्मी करियर राम्रै चलिरहेको थियो । तर, एक दिन ब्वाईफ्रेण्डले अलिशाको एक निजी भिडियो भाइरल गरे, जसको कारण उनको करियर नै एकाएक चौपट भयो ।

अलिशाले आफ्नो ब्वाईफ्रेण्डविरुद्ध कानूनी लडाई लड्ने निर्णय गरिन् । तर अलिशाका परिवारका सदस्यलाई यो कुरा मन परेन । उनीहरुले अलिशाले यस्तो नगरोस् भन्ने चाहन्थे, जसको पछाडिको कारण थियो बदनामी ।

जब अलिशा एफआईआर दर्ता गर्न प्रहरी चौकी गइन्, तब उनका परिवारका सदस्यले उनलाई घरबाट नै निकालिदिए ।

बस्ने टुंगो थिएन

परिवारका सदस्यहरूले घरबाट निकालेपछि अलिशा खानसँग बस्ने ठाउँ थिएन । त्यसरी नै उनले जीविकोपार्जन गर्दै आएकी थिइन् । यसबारे अभिनेत्री अलिशा आफैले एक अन्तर्वार्तामा खुलासा गरेकी थिइन् ।

कहाँ छन् अलिशा खान ?

त्यसपछि अलिशा खानले टिभी पत्रकार वसीम अख्तरसँग विवाह गरेकी छन् । मिडिया रिपोर्टका अनुसार उनीहरु दुवैको भेट फिल्मको प्रमोशनका क्रममा भएको थियो । पछिल्लो समय अलिशा फिल्म उद्योगबाट टाढा छन् ।

प्रतिक्रिया दिनुहोस

सम्बन्धित समाचार

नेपाल प्रहरी

निर्वाचनको सुरक्षाका लागि उच्च मनोबलका साथ काम गर्न ७७ वटै जिल्लाका एसपीलाई आईजिपी सिंहको निर्देशन

निर्वाचनको सुरक्षाका लागि उच्च मनोबलका साथ काम गर्न ७७ वटै जिल्लाका एसपीलाई आईजिपी सिंहको निर्देशन

काठमाडौं । नेपाल प्रहरीका प्रमुख आईजिपी धिरज प्रताप सिंहले उच्च मनोबलका साथ काम गर्न ७७ वटै जिल्लाका प्रहरी प्रमुख एसपीलाई निर्देशन दिएका छन् । मङ्सिर..