काठमाडौं । मानव अधिकारका लागि महिला एकल महिला समूह (डब्लूएचआर)को अध्यक्षमा कविता पाँणे निर्वाचित निर्वाचित भएकी छन् । लामो समयदेखि एकल महिलाको हक अधिकारका लागि क्रियाशील उनी अधिवक्ता हुन् ।
डब्लूएचआरको हिजोदेखि शुरु भएको ५औं महाधिवेशनको दोस्रो दिन नयाँ नेतृत्व चयनका लागि आज भएको मतदानबाट अध्यक्षमा पाँणे निर्वाचित भएकी हुन् । उनी काठमाडौं निवासी हुन् ।अध्यक्षका लागि बाँकेकी शोभा गौतम र पाँणेबीच प्रतिस्पर्धा भएको थियो । यस्तै उपाध्यक्षमा बिमला पराजुली र रेखा अधिकारीबीच भएको प्रतिस्पर्धामा बिमला पराजुली निर्वाचित भएकी छन् ।
महासचिवका लागि प्रतिभा बिष्ट र बिष्णुमाया पाण्डेबीच भएको प्रतिस्पर्धामा बिष्णुमाया पाण्डे निर्वाचित भएकी छन् । त्यस्तै सचिवमा एकमाया बि.क. र मायादेवी शर्माबीच भएको प्रतिस्पर्धामा एकमाया बि.क. र कोषाध्यक्षमा सिर्जना श्रेष्ठ निर्वाचित भएका छन् ।
यस्तै सदस्यहरुमा शान्ति महर्जन, सबिता महर्जन, भगवती हमाल, शान्ति पासवान र मिना अधिकारी निर्वाचित भएका छन् ।
