काठमाडौं । नेपाली कांग्रेसको वाग्मती प्रदेशको खुला दुई सदस्यमा ध्यानगोविन्द रञ्जित र राजेन्द्रकुमार केसी निर्वाचित भएका छन्। मंगलबार सम्पन्न मतगणनामा रञ्जितले २४१९ केसीले २१२९ मत पाएका छन्। खुलातर्फका ६ प्रतिस्पर्धीमध्येमा रञ्जित र केसी निर्वाचित भएका हुन्।
यस्तै, महिलातर्फ वाग्मती प्रदेशबाट उर्मिला नेपाल केसी निर्वाचित भएकी छन्। केसीले २३४९ मत पाइन्। निर्वाचितमध्ये रञ्जित र नेपाल सभापति शेरबहादुर देउवा पक्षका हुन्। केसी शेखर कोइराला प्यानलका हुन्।
