प्रधानमन्त्री देउवालाई प्रचण्ड र माधव नेपालसँगको गठबन्धनबाट छुटाउने केपी ओलीको रणनीति

काठमाडौं । सत्ता गठबन्धन धरापमा परेको छ । गठबन्धनमा रहेको नेकपा माओवादी केन्द्रका अध्यक्ष पुष्पकमल दाहाल प्रचण्ड स्वयंले धरापमा परेको संकेत गरेका छन् । उनले सिधै नेकपा एमालेमाथि सत्ता गठबन्धन तोड्न सक्रिय रहेको आरोप लगाए ।

एमालेले गठबन्धन तोड्न चुनावसम्म काँग्रेसलाई एकमना सरकार बनाउने प्रस्ताव गरेको सम्म भने । हुनपनि एमाले अध्यक्ष केपी शर्मा ओलीले काँग्रेसको १४औं महाधिवेशन उद्घाटनको दिन २४ मंसिरमा महत्वपूर्ण सन्देश दिए । उनले एमाले एक्लै हिंड्दैन भन्दै काँग्रेससँग मिलेर जाने संकेत गरे । त्यसको एक हप्तापछि प्रचण्डले सत्ता गठबन्धन तोड्ने षड्यन्त्र गरेको आरोप एमालेमाथि लगाए ।

अहिले अमेरिकी सहयोगसम्बन्धी एमसीसी पारित नगर्ने पक्षमा प्रचण्ड र माधव नेपाल देखिएका छन् । यही मौकामा ओलीले प्रचण्ड र माधव नेपाललाई असफल बनाउन खोजेका छन् । एमसीसीको विपक्षमा प्रचण्ड र माधव नेपाल उत्रिएमा ओलीले साथ दिनसक्छन् ।

एमसीसीलाई संसदमा निर्णयार्थ दर्ता गरेर बढाउन सभामुख अग्निप्रसाद सापकोटाको पनि मुख्य भूमिका हुन्छ । उनले यसलाई अगाडि नबढाए के होला ? एमालेले सापकोटालाई पछिल्लो समय चेतावनी दिइरहेको छ । एमाले छाडेका १४ सांसदको पद रिक्त गर्न सूचना नटाँसेकोमा आलोचना गर्दै आएको छ । एमाले महासचिव शंकर पोखरेलले सापकोटाको राजीनामा सम्म मागेका छन् । यो यस्तो बेलामा आएको छ जतिबेला सत्ता संघर्ष चुलिएको छ ।

माओवादी अध्यक्ष प्रचण्ड र नेकपा एसका अध्यक्ष माधवकुमार नेपाल नेतृत्वको दलहरु सत्तामा रहिरहे शक्ति सञ्चय गर्दै जाने भयले ओलीलाई सताएको छ । यसकारण पनि प्रचण्ड र माधव नेपाललाई सत्ताबाट झार्न ओली कम्मर कसेर लागेका छन् ।

सत्ता गठबन्धन तोडेर माओवादी र नेकपा एसलाई कमजोर पार्न सके कार्यकर्ता तान्न सक्न बुझाई ओलीको देखिन्छ । यसकारण पनि उनी काँग्रेससँग सम्झौता गरेर भएपनि रणनीतिक योजनामा लागेका छन् ।

प्रतिक्रिया दिनुहोस

सम्बन्धित समाचार

नेपाल प्रहरी

निर्वाचनको सुरक्षाका लागि उच्च मनोबलका साथ काम गर्न ७७ वटै जिल्लाका एसपीलाई आईजिपी सिंहको निर्देशन

निर्वाचनको सुरक्षाका लागि उच्च मनोबलका साथ काम गर्न ७७ वटै जिल्लाका एसपीलाई आईजिपी सिंहको निर्देशन

काठमाडौं । नेपाल प्रहरीका प्रमुख आईजिपी धिरज प्रताप सिंहले उच्च मनोबलका साथ काम गर्न ७७ वटै जिल्लाका प्रहरी प्रमुख एसपीलाई निर्देशन दिएका छन् । मङ्सिर..