काठमाडौं । नेपाली कांग्रेसको १४ औँ महाधिवेशनमा अध्यक्ष पदको उम्मेदवार तय गर्न सकस परिरहेको वरिष्ठन नेता रामचन्द्र पौडेलको समूह सभापतिको उम्मेदवार छान्न पुनः बैठकमा बसेको छ ।
शुक्रबार भृकुटीमण्डपमा महाधिवेशन उद्घाटन कार्यक्रम सकेलगत्तै पौडेल समूह राजधानीको बत्तीसपुतलीस्थित अनुपम फूडल्याण्ड पार्टी प्यालेसमा सभापतिको उम्मेदवार तय गर्न बैठकमा बसेको छ ।
बैठकमा सभापतिका आकांक्षी पौडेल, प्रकाशमान सिंह, शशांक कोइराला र शेखर कोइरा चारै जना सहभागी छन् । शशांकले भने पौडेललाई सभापतिका लागि मैदानबाट हट्ने बचन दिइसकेका छन् । तर, प्रकाशमान र शेखर भने अडानबाट पछि हटेका छैनन् ।
यसअघिको बैठकमा प्रकाशमान सिंह र शेखर कोइरालाले सभापतिबाट पछि नहट्ने भनेपछि सभापतिको उम्मेदवार चयन हुन सकेको थिएन । र, पौडेलले दुबैजना उम्मेदवारको दाबेदारीबाट पछि नहटेपछि पार्टीबाटै सन्यास लिने पनि भनेका थिए । र, उनी बिहीबारको केन्द्रीय समितिको बैठकमा समेत अनुपस्थित थिए ।
तर, शुक्रबार महाधिवेशनमा उपस्थित हुनका लागि उनलाई लिन नेताहरु बोहोराटार पुगेका थिए ।
