जनकपुरधाम । धनुषा प्रहरीले तस्करी गर्न लागेका बेला ४९ बोरा हरियो मटर र ११ वटा मोटरसाइकल धनुषा प्रहरीले बरामद गरेको छ ।
धनुषाको मुखियापट्टी मुसरहनिया गाउँपालिका ६ बहेडाबेलाबाट बुधवार प्रहरीले ११ वटा मोटरसाइकलमा लोड गरी भारततर्फ लगिरहेको २५ केजीको ४९ बोरा हरियो मटर मोटरसाइकलसहित नियन्त्रणमा लिएको हो । तस्करीमा संलग्नहरु भागेपछि मोटरसाइकलसहित हरियो मटर नियन्त्रणमा लिएको जिल्ला प्रहरी कार्यालय धनुषाले जनाएको छ ।
बरामद मटर र मोटरसाइकल आवश्यक कारबाहीका लागि प्रहरीले जनकपुर भन्सरा कार्यालय धनुषालाई बुझाएको छ ।
