दाङ । सुर्खेतबाट काठमाडौँतर्फ गइरहेको बस दाङको लमहीमा दुर्घटना हुँदा २९ जना यात्रु घाइते भएका छन् ।
कर्णाली प्रदेश ०२–००१ ख ०२१९ नम्बरको उक्त बस लमही नगरपालिका वडा नम्बर ३ नारायणपुरमा दुर्घटना भएको हो । वडा प्रहरी कार्यालय लमहीका अनुसार बसमा सवार रहेका २९ यात्रु घाइते भएका हुन् ।
७ जना घाइतेको अवस्था गम्भीर रहेको र उनीहरूलाई थप उपचारका लागि बाँकेको कोहलपुर पठाइएको प्रहरीले जनाएको छ । अन्य घाइतेहरुको भने लमही अस्पतालमै उपचार भइरहेको छ ।
बसको पट्टा भाँचिएर अनियन्त्रित भएपछि दुर्घटनाग्रस्त भएको हो । घाइतेहरुको पहिचान खुल्न सकेको छैन ।
