काठमाडौं । लागुऔषध अनुसन्धान ब्यूरो(एनसिबी) को प्रमुखमा एसएसपी हृदय थापाको सरुवा भएको छ । गृह मन्त्रालयले बिहीबार उनको सरुवा गरेको हो ।
ब्यूरोका प्रमुख रहेका एसएसपी दिलिप चौधरीले गत साता अवकाश पाएपछि त्यहाँको प्रमुख पद रिक्त भएको थियो । रिक्त पदमा थापाको सरुवा भएको हो । एसएसपी थापा अपराध अनुसन्धानमा अनुभवी प्रहरी अधिकृत मानिन्छन् ।
दुई साताअघि अख्तियार दुरुपयोग अनुसन्धान आयोगबाट उनको प्रहरी प्रधान कार्यालयमा सरुवा भएको थियो ।
