काठमाडौं । केही दिनअघि स्वयम्भूमा प्रदेश ३-०१-००२ झ ४९२२ नम्बरको सरकारी गाडी लिएर एक सरकारी कर्मचारी युवक एक युवतीसहित पुगेको दृश्य भाइरल बन्यो ।त्यसपछि उक्त गाडीसहित जाने जोडीको पहिचान अघि बढाइयो ।
पहिचानका क्रममा युवती लिएर जाने सरकारी कर्मचारी फेला परे । कर्मचारी शहरी विकास मन्त्रालयका आयोजना प्रमुख रोशन श्रेष्ठ थिए । निषेधाज्ञामा अनुमति पत्रबिना डुल्न पाइँदैन । दोस्रो चरणको कोरोना संक्रमण रोकथामका लागि जारी निषेधाज्ञा उल्लङ्घन गर्दै ‘डेटिङ’ मा रमाउने श्रेष्ठलाई गृह मन्त्रालयले कारवाही गर्न निर्देशन दिएको छ ।
गृह मन्त्रालयले जिल्ला प्रशासन कार्यालय काठमाडौंलाई पत्र लेख्दै अनुसन्धान गरी श्रेष्ठलाई कारवाहीसहितको वरण समेत पठाउन निर्देशन दिइएको छ ।पत्रप्राप्त भएसँगै अनुसन्धान अघि बढाइएको जिल्ला प्रशासन काठमाडौंले जनाएको छ । गत आइतबार शहरी विकास मन्त्रालयअन्तर्गत सहरी विकास विभागको नयाँ सहर आयोजना प्रमुख तथा उपसचिव श्रेष्ठ युवती लिएर स्वयम्भू पुगेका थिए ।
निषेधाज्ञा उल्लंघन गरेर स्वयम्भु पुगेका प्रेमजोडीबीच प्रेमालापमा रमाइरहेको भिडियो सार्वजनिक भएपछि उक्त भिडियो भाइरल बनेको थियो ।सार्वजनिक भएको भिडियोमा प्रेमजोडीको अनैतिक कार्य पनि भएको देखिएको छ ।
भिडियोमा उपसचिव श्रेष्ठसँग रमाइरहेकी युवती सहरी विकास विभागमै कार्यरत इन्जिनियर रहेको बताइएको छ ।प्रशासनले अहिले यस विषयमा विस्तृत अनुसन्धान बढाइरहेको छ ।
