काठमाडौँ। नेपाल कम्युनिस्ट पार्टी ( नेकपा नेतृ रामकुमारी झाँक्री ) लाई रिहा गरेको भन्दै महानगरीय अपराध महाशाखा काठमाडौंका बरिस्ठ प्रहरी उपरीक्षक ( एसएसपी ) दिपक थापा हेडक्वार्टर तानिएका छन्।
करिब १० महिनाअघि मात्रै अपराध महाशाखा काठमाडौंमा आएका उनलाई रातारात हेडक्वार्टर तानेर उनको ठाउँमा एसएसपी चन्द्र कुवेर खापुङलाई ल्याइएको छ।
स्रोतका अनुसार प्रधानमन्त्री केपी शर्मा ओलीकै निर्देशनमा झाँक्रीलाई पक्राउ गरिएपनि थापाले ५ घण्टामै छाडेका कारण उनलाई हटाइएको हो । उनलाई बालुवाटारकै निर्देशनमा हेडक्वार्टर तानिएको स्रोतले जनाएको छ।
थापाको कार्यकालमा ठूला आपराधीक घटनाको सफल अनुसन्धान भएको थियो। राजधानीको गोंगबुमा एक युवाको हत्या घटनामा २४ घण्टा नबित्दै अपराध महासाखाले सफल अनुसन्धान गरेर घटनामा समलग्न महिलालाई पक्राउ गर्न सफल भएको थियो।
राज्य विरुद्ध कसुर गरेको भन्दै नेकपा नेतृ रामकुमारी झाँक्री गत माघ १९ गते पक्राउ गरेकी थिइन्। उनलाई प्रहरीले ५ घण्टामै रिहा गरेको थियो।
