बढुवा भएका डिएसपी रइन्सपेक्टरलाई फुली,व्यावसायिक भूमिका निर्वाह गर्न आईजिपीको निर्देशन

काठमाडौं । नेपाल प्रहरीका हालै बढुवा भएका एसपी र डिएसपीले फुली लगाएका थिए । गृह सचिवस्तरको २०७७ माघ २६ गतेको निर्णयअनुसार प्रहरी नायव उपरीक्षक (डिएसपीं तथा नेपाल सरकार गृह सचिवस्तरको २०७७ माघ २८ गतेको निर्णयअनुसार प्राविधिक प्रहरी निरीक्षक(इन्सपेक्टर) पदमा पदोन्नति भएकामध्ये ६० जना प्रहरी अधिकृतहरुलाई दर्ज्यानी चिन्हद्वारा सुशोभन गरिएको हो ।

प्रहरी महानिरीक्षक ( आइजिपी ) शैलेश थापा क्षेत्रीले प्रहरी प्रधान कार्यालयमा बिहीबार आयोजित एक समारोहबीच उहाँहरुलाई दर्ज्यानी चिन्हद्वारा सुशोभन गरेका हुन् ।दर्ज्यानी चिन्हद्वारा सुशोभित हुनेहरुमा प्रहरी निरीक्षकबाट प्रहरी नायव उपरीक्षक पदमा पदोन्नोति भएका ४६ जनामध्ये ३८ जना र विभिन्न समूहको प्राविधिक प्रहरी नायव निरीक्षकबाट प्राविधिक प्रहरी निरीक्षक पदमा पदोन्नोति भएका २३ जनामध्ये २२ जना प्रहरी अधिकृतहरु रहेका छन् ।

पदोन्नति भएका ८ जना प्रहरी नायव उपरीक्षकहरू र १ जना प्राविधिक प्रहरी निरीक्षक हाल यूएन मिसनमा कार्यरत रहेकाले उनीहरुले पछि फुली लगाउनेछन् ।
समारोहमा प्रहरी महानिरीक्षक थापा क्षेत्रीले पदोन्नति भएका प्रहरी अधिकृतहरुलाई बधाई तथा शुभकामना दिँदै पदले अपेक्षा गरेअनुसारको व्यावसायिक भूमिका निर्वाह गर्न निर्देशन दिए । आगामी दिनमा सामना गर्नुपर्ने चुनौतीलाई मनन गरी नियमित रूपमा भएको कार्यसम्पादनमा बढोत्तरी गर्दै संगठनको ओज तथा छविलाई निरन्तरता दिन सम्पूर्ण प्रहरी कर्मचारीहरू सतत् रुपमा लागिपर्ने अपेक्षा संगठनले लिएको उहाँले चर्चा गरे ।

प्रहरी महानिरीक्षक थापा क्षेत्रीले थप उत्साहका साथ जिम्मेवारी वहन गर्दै उत्कृष्ट काम गर्ने लगायतका आफ्ना प्रतिवद्धताहरूलाई सबैले स्वीकारी काम गर्ने अपेक्षा आफूले लिएको उल्लेख गरे । प्रहरीको कार्य सम्पादनमा प्राविधिक प्रहरीहरूले मद्दती भूमिका निर्वाह गर्दै उच्चतम व्यावसायिकता प्रदर्शन गरी काम गर्नुपर्नेमा उहाँले जोड दिए । प्रहरी नायव उपरीक्षक चिरन्जीवी दाहालले पदोन्नति भएका प्रहरी अधिकृतहरुको तर्फबाट प्रतिवद्धता मन्तव्य व्यक्त गरेका थिए । उक्त समारोहमा प्रहरी अतिरिक्त महानिरीक्षकहरु, प्रहरी नायव महानिरीक्षकहरु, वरिष्ठ प्रहरी अधिकृतहरु लगायत प्रहरी अधिकृतहरूको उपस्थिति रहेको थियो ।


अब प्रहरी प्रधान कार्यालयले सइबाट इन्सपेक्टरमा बढुवाको तयारी गरेको छ । इन्सपेक्टरमा एक सय पद रिक्त छन् । जसमध्ये ४० प्रतिशत बढुवाबाट पदपुर्ती हुने प्रावधान छ । यसलाई ६० प्रतिशत बनाउनुपर्ने माग उठेको छ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय

नेपाल प्रहरी

प्रहरीको सक्रियता : ६ महिनामा ५३६४ जना पक्राउ, १ अर्ब १९ करोडभन्दा बढी जरिवाना असुल

प्रहरीको सक्रियता : ६ महिनामा ५३६४ जना पक्राउ, १ अर्ब १९ करोडभन्दा बढी जरिवाना असुल

काठमाडौं । कर्तव्य ज्यान मुद्दाका फरार प्रतिवादी सिन्धुपाल्चोकका ४२ वर्षीय काले वाङगेल भन्ने निमा लामा पुस ३ गते पक्राउ परे । जिल्ला अदालत सिन्धुपाल्चोकको २०७१..