कञ्चनपुर । कञ्चनपुर जिल्लाको बेलौरीमा प्रहरीले डेढ क्विन्टल माछा बरामद गरेको छ। बिहीबार दिउँसो जिल्ला प्रहरी कार्यालय कंचनपुर र इलाका प्रहरी कार्यालय बेलौरीबाट खटिएको सन्युक्त प्रहरी टोलीले बेलौरी नगरपालिका नम्बर ५ भकुण्डा स्थित बेलौरी रामनगर सडक खण्डमा भारतबाट भन्सार छली ल्याएको अबैद्य माछा बरामद गरेको हो।
बरामद गरेको माछा आवश्यक कारवाहीको लागी पशु क्चारेन्टाईन चेक पोष्ट बेलौरीमा बुझाएको जिल्ला प्रहरी कार्यालय कंचनपुरका प्रमुख प्रहरी उपरीक्षक ( एसपी ) उमा प्रसाद चतुर्बेदीले जानकारी दिनुभयो ।
