सिरहा । सिरहा नगरपालिका वडा नम्बर – १७ स्थित सीमा ईलाकाबाट पुस २६ गते सशस्त्र प्रहरीले करीव तीन लाख ३३ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउँदै गरेको उक्त लत्ताकपडा सशस्त्र प्रहरी बल, नेपाल बोर्डर आउट पोष्ट मार्डरबाट खटिएको एपीएफ टोलीले बरामद गरेको हो ।
बरामद लत्ताकपडा भन्सार कार्यालय मार्डर सिरहामा बुझाईएको सशस्त्र प्रहरी बल, नेपाल बोर्डर आउट पोष्टले जनाएकाे छ ।
रौतहटमा सशस्त्र प्रहरीले चोरीपैठारीको सामानसहित पक्राउ रौतहट जिल्लाको यमुनामाई गाउँपालिका ४ स्थित सीमा ईलाकाबाट पुस २६ गते एपीएफ टोलीले करीव एक लाख ५८ हजार रुपैयाँ बराबरको चोरीपैठारीको किराना सामानसहित एक जनालाई पक्राउ गरेको छ ।
पक्राउ पर्नेमा सोही जिल्लाको गरुडा नगरपालिका ५ बस्ने ३७ वर्षीय झगडु राय रहेकाे सशस्त्र प्रहरी बलले जनाएकाे छ । ना १ ज ३२९६ नम्बरको टेल्को पिकअप गाडीमा राखेर ल्याउँदै गरेको अवस्थामा निज रायलाई सशस्त्र प्रहरी बल, नेपाल नम्बर ११ गण रौतहटबाट खटिएको एपीएफ टोलीले उक्त सामानसहित पक्राउ गरेको हो ।
त्यसवेला सशस्त्र प्रहरी टोलीले सामान ल्याउन प्रयोग भएको सो गाडी समेत बरामद गरेको छ । पक्राउ परेका रायलाई बरामद सामान तथा गाडीसहित आवश्यक कारवाहीको लागि भन्सार कार्यालय गौरमा बुझाईएको सशस्त्र प्रहरी बलले जनाएकाे छ छ ।
