लहान । नेकपा फुटको मुख्य कारण माधव—प्रचण्ड र केपी ओलीबीच भागबन्डा नमिलेकोले कम्युनिष्ट जनताले अहिले दुख पाएको हो ।
नेकपा प्रदेश २ का सदस्य विष्णुलाल वाइवाले पुस २५ गते नेकपा कर्जन्हा नपा अगुवा कार्यकताद्धारा आयोजित जयगोविन्द साहको ३१ औं स्मृति मनाउँदै उहाँले यो दुर्घटनाको जिम्मेवारी प्रचण्ड र ओलीले लिनुपर्छ । अहिले पनि नेकपा औपचारिक रुपमा फुटेका छैन । केन्द्रीय कमिटीमा दुवैको नाम दुवैतीर रहेको उहाँले बताउँनुभयो ।
वाइवाले यो अवस्थामा पार्टी फुट्नु दुर्भाग्य हो भन्दै पार्टी एकता गर्नुपर्छ । एउटा संसद विघटनले पार्टी फुट्नु दुर्भाग्य हो । पार्टी फुट्नु र संसद विघटन दुवै प्रतिगमन हो । यसका दोषीलाई वाइपास गरेर नयाँ नेतृत्व ल्याएर पार्टी एकतामा जोड दिनुपर्ने उहाँले बताउँनुभयो ।
एउटा खुकुरीले भिरे, अर्कोले बन्दुक नै पड्काएर पार्टी टुक्रा पारिदिए । हतियारको सहारामा प्रचण्ड र ओलीले पार्टी फोडेकाले नयाँ नेतृत्व ल्याएर एकता गर्नुपर्ने आजको आवश्यकता रहेको वाइवाले बताउँनुभयो ।
कम्युनिष्ट नेता चन्देश्वर राउतका सभाध्यक्षतामा भएको सो कार्यक्रममा नेकपाका जिल्ला सदस्य फुलगेन नायकले किसान आन्दोलनको क्रममा सहादत प्राप्त गरेका जयगोविन्द साहलगायत सहिदहरुको सपना पुरा नहुन्जेलसम्म पार्टी एकताको जरुरी रहेको बताउँनुभयो ।
यो संसद विघटनले नयाँ जनादेश दिएको हो । त्यसैले निर्वाचनको तयारीमा जुट्नु भन्दा पार्टी पूर्नएकतामा जोड दिनुपर्ने उहाँ नायकले बताउँनुभयो ।
