काठमाडौं । नेपाल कम्युनिष्ट पार्टी ( नेकपा ) को प्रचण्ड–नेपाल समुहले शंकर पोख्रेल र पृथ्वीसुब्बा गुरुङलाई प्रदेश इन्चार्जबाट हटाएको छ ।
सोमबार पेरिसडाँडास्थित पार्टी कार्यालयमा बसेको स्थायी कमिटी बैठकले पोखरेल र गुरुङलाई प्रदेश इन्चार्जको जिम्मेवारीबाट हटाएको हो । गण्डकी प्रदेश इन्चार्जमा गुरुङको स्थानमा पूर्व माओवादीका देवेन्द्र पौडेललाई जिम्मेवारी दिइएको छ । त्यस्तै बैठकले लुम्बिनी प्रदेशको इन्चार्जबाट पोखरेललाई हटाउदै युवराज ज्ञवालीलाई जिम्मा दिइएको प्रवक्ता नाराणकाजी श्रेष्ठले जानकारी दिए ।
त्यस्तै, गण्डकी प्रदेशको सहइन्चार्जबाट किरण गुरुङलाई हटाएर तुलबहादुर गुरुङलाई राखिएको छ भने प्रदेश कमिटी सचिवमा श्रीमाया थकालीलाई जिम्मेवारी दिइएको छ ।
अर्का अध्यक्ष पुष्पकमल दाहाल श्रीमतिको उपचारका लागि भारत गएपछि माधवकुमार नेपालको अध्यक्षतामा बैठक बसेको थियो ।
