लहान । लहान नगरपालिकास्थित ईलाका प्रहरी कार्यालय लहानले विभिन्न अपराधमा पक्राउ गरेका आरोपीहरुका लागी मानवअधिकार मैत्री नमुना हिरासत कक्ष निमार्ण गरेको छ ।
लहान प्रहरीले आरोपीहरुलाई राख्न अन्तराष्ट्रिय मापदण्ड अनुरुपको नमुना हिरासत कक्ष निमार्ण गरेको हो । ईलाका प्रहरी कार्यालय लहानमा १ पुरुष र १ महिला निगरानी गरि कुल २ वटा हिरासत कक्षहरु छन । सबै हिरासत कक्षहरुको भुँईमा काठमाथि फम र कार्पेट बिछयार्ईएको छ । यसका साथै महिला र पुरूषको हिरासत कक्ष बाहिरको भित्तामा १ वटा एल.ई.डी टिभी जडान गरिएको छ ।
थुनुवाहरुका लागी गर्मी छल्न हिरासत कक्षै पिच्छे बाहिर ४ वटा स्टेन पङ्खा र पानि पिउन जार , विभिन्न सामाग्री राख्ने लकर समेत राखिएका छन ।
लहान प्रहरीको हिरासत कक्षको क्षमता १४ जनाको हो । हाल लकडाउनले गर्दा विभिन्न अपराधमा पक्राउ गरेका मात्र ८ जना लहान प्रहरीको हिरासतमा छन । लहान प्रहरीले दिएको जानकारी अनुसार बिहीबारसम्म लागूऔषध मुद्दामा , मोटर चोरि मुद्दामा , ठगि मुद्दाहरु का प्रतिवादी हिरासतमा छन ।
हिरासतमा रहेका प्रतिवादीलाई अन्तराष्ट्रिय मापदण्ड अनुसार सेवा सुविधा दिएर राखिएको ईलाका प्रहरी कार्यालय लहानका प्रमुख प्रहरी नायब उपरीक्षक ( डिएसपी ) शरत कुमार थापा क्षेत्रीले बताउनुभयो । उहाँले अदालतमा म्याद थप गरेपछि कानुनले दिएको अधिकारसम्म अनुसन्धान गर्न हिरासतमा प्रतिवादीलाई राखिने गरेको जानकारी दिनुभयो ।
लहाम प्रहरीले २ वटै हिरासत कक्षहरुलाई मानवअधिकार मैत्री र सुविद्यासम्पन्न बनाउने प्रयास गरेको छ । चिसो लाग्न नदिन हिरासत कक्षको भुँईमा काठको फ्ल्याक माथी निलो रङ्गको फ्लोरिङ कार्पेट बिच्छयाईएको छ । हिरासतको बसाई सजिलो बनाउन केही दिन अगाडी मात्रै १ वटा टिभी पनि जडान गरिएको डिएसपी थापाले जिकिर गर्नुभयो । उहाँले आउँदो दिनहरुमा २ वटा टिभी थप गरि सबै हिरासत कक्षमा पु¥याउने लक्ष्य रहेको जिकिर गर्नुभयो ।
त्यस्तै लहान प्रहरीले विभिन्न अपराधमा पक्राउ परेर अनुसन्धानका लागी हिरासतमा रहेकाहरूलाई मोटिभेशनल तथा साइकोजिकल काउन्सेलिङ समेत प्रदान गर्दै आएको छ । मानसिक रूपमा विक्षिप्त नहोस भनेर उनीहरुलाई मोटिभेशन दिने गरिएको डिएसपी थापाको भनाई छ । कोभिड १९ कोरोनाको कारणले थुनुवाहरु सबैको अनिवार्य पि सि आर परिक्षण गरिएको हुदा थुनुवाहरुको स्वास्थ्यको ख्याल गरि भेटघाट भन्दा नियमित फोन सम्पर्क को ब्यबस्थापन गरिएको छ । थुनुवाहरुलाइ दिनौ मास्क दिइने गरेको र हप्ताको दुई पटक सेनिटाइजेसन समेत गर्ने गरिएको ईलाका प्रहरि कार्यालय का कार्यालय प्रमुखले बताउनुभयो । थुनुवा कक्षको भेन्टिलेसनमा नया जाली समेत राखी मजबुत डन्डि पनि रहेको छ ।
लहान प्रहरीले निमार्ण गरेको हिरासत कक्ष प्रदेश नं. २ कै नमुना हिरासत कक्ष बन्न पुगेको छ । यसलाई थप सुविद्या सम्पन्न र व्यवस्थित बनाउने लहान प्रहरीको लक्ष्य रहेको छ ।
